在香港求職，見工流程一般包括多個階段，從投遞履歷（CV）到最終獲得聘用通知，每一步都需要求職者做好充分準備。求職者需要根據職位要求準備合適的履歷表和求職信，並透過招聘網站、人才博覽會或公司官方渠道提交申請。部分公司會要求求職者先進行線上測評或填寫申請表，以篩選合適人選。然而在面試的過程中HR亦會問許多「具挑戰性」的問題，令一眾求職者亦大為「頭痛」。
網民在網上討論區「連登」上以「面試時講過最錯嘅一句說話」為題發文表示自己日前見工，整個見工流程也頗為順利，到最後面試官問事主「你有咩想問返我？」，事主誠實地回答面試官公司的問題，豈料面試官竟即場變得情緒激動指責事主，最後事主也收不到獲公司招聘的消息。事件獲網民熱烈討論，更分享一人一個面試時回答過最離譜的答案。
即睇一眾網民點回應面試時刁難問題！（按圖了解）
事主：見一份IT嘅工，成個Interview都幾Smooth，傾得幾投契！
當時我諗都應該會請我，佢臨尾問我有咩嘢想問佢。
我答：「其實你公司嘅網頁設計都幾差！」
佢即時面色一變，跟住有啲激動咁話：「我人手唔多，咁樣可以點啊？」
然後就沒有然後了……
網民A：我覺得係逆向篩選返間公司／上司，除非你本身好想返呢份工！
網民B：我問返過佢「你未來有無打算離開公司？」
網民C：回答返佢個問題，你人手唔多唔緊要，你宜家有我啦！
網民D：都唔講你句說話好定唔好，人哋叫你問問題，你個回應都唔係問題！
網民E：In過書店，我話無人睇實體書……
網民F：見電視台工，我答宜家無人睇電視……
網民G：本來條問題無問題……但問題係Website咪係In你嗰個人做！
網民H：叫你問唔係叫你評價！
網民I：未開工就鬧人工作能力！
網民J：之前去油站，問我揸緊咩車，唔小心講咗「當然」係電車啦！
網民K：咁小氣嘅公司，要多謝佢唔請你！
網民L：之前面試畀人問「點解揀我哋公司」，我答佢「我都係隨便Apply當練吓Interview技巧，如果你請我又加人工就當Bonus」！
Article By CTgoodjobs