本港大型求職平台CTgoodjobs在本年第一季透過網上問卷形式，進行了《CTgoodjobs 2025年第一季薪酬調查》，結果顯示隨着年齡增長，收入普遍上升，31歲至35歲及46歲至50歲的員工，月入中位數達到最高的港幣$28,000，隨後，收入開始下降，61歲或以上的員工，只得港幣$19,500。在職場上，有許多事情打工仔也會認為是高薪的背後「人工包埋」，例如是上司的惡脾氣，加班等等……面對高薪與尊嚴之間，一眾打工仔又該如何抉擇？
網民在網上群組「裁員炒人消息關注組」上分享指自己是一位不用加班並月入5.5萬的Admin Manager，面對高薪卻尊嚴盡失。老闆每天也會因不同的大小事而刁難事主，出錯的事不屬於事主工作範圍，但老闆也會以不同的理由而遷怒於事主。經歷令一眾網民熱議，更指高薪下，老闆的脾氣本是「人工包埋」！
即睇高薪卻失尊嚴事主點打算！
事主：做咗一年Admin Manager，月薪5.5萬，唔使OT，但每日都好無尊嚴。
老闆一日鬧我幾次，而我下屬只得兩個人！老細鬧嘅事都係鎖碎事，我只係公司大打雜！可能因為供應商送貨Delay，出錯都關我事！宜家啞忍緊，但奈何搵唔到工！
網民A：呢個人工，我笑住口畀老闆鬧啦！
網民B：如果我可以有5萬幾一個月，老闆鬧我，我仲會問佢鬧我辛唔辛苦？要唔要按摩！
網民C：好多人得萬幾都係咁樣畀老闆對待，你5萬幾有咩唔忍得？
網民D：人工包埋！
網民E：之前返工同事話，如果畀人鬧可以消除鬧人者怨氣，係功德嚟！替自己積緊福！
網民F：你諗吓人工少你一半嘅我，除咗畀老闆鬧，仲要畀客鬧！你就會覺得你根本係炫耀ing！
網民G：5千做嘢，4.5萬畀老闆鬧！
網民H：好彩只有兩個下屬，再多就要你減薪了。
網民I：高於2.5萬月入，人工包受氣！
網民J：返工唔開心，搵方法紓緩到就無問題！
網民K：尊嚴同錢，睇你覺得邊樣重要咋！
網民L：當佢唱歌咪算，諗吓其他減壓方法！
網民M：出面公司不斷裁員，你寧願窮定畀佢鬧？
網民N：我覺得無問題，你收得5萬幾唔係諗住份工好悠閒啊？
高薪，往往也不代表工作環境和待遇理想。薪酬提升的同時，員工面對的工作壓力、管理層態度及職場文化問題依然嚴重。高薪背後的職場壓力和尊嚴問題不容忽視！打工仔在追求薪酬與維護尊嚴之間，需根據自身情況作出權衡，不要只放眼眼前的行益而有損個人身心靈健康，得不償失。
Article By CTgoodjobs