面對2025年香港經濟寒冬持續加劇，失業率由年初3.2%上升至約3.4%至3.5%，裁員潮蔓延至多個行業，特別是建造業、餐飲服務業及零售業，職場競爭日益激烈。企業為控制成本普遍採用減薪及縮減人手措施，令不少資深員工壓力倍增。有網民在「香港討論區」反映，擁有十年豐富經驗的打工仔，月薪卻被壓低，甚至低於二十年前同類崗位的工資標準。
經驗唔再值錢？
樓主：
我個朋友話，今年經濟好差，面試被人壓價壓到$12,000。佢已經有10年工作經驗，之前份工都有18K，今年真係搵食艱難。
網民A：
今時今日，個個去送外賣仲好，又自由又輕鬆又唔使受氣，4-5萬個月。
網民B：
我都係待業中，共勉之。但可唔可以請教咩工種仲用呢啲人工請人？
網民C：
仲衰過地盤佬！地盤佬8個鐘都三萬起跳啦！
網民D：
高層搵得少咗，梗係要壓榨低層員工啦。
網民E：
正常啦，你唔做有外勞做。
網民F：
公務員或公營機構職位薪酬可能高啲。
網民G：
應該低過最低工資？
網民H：
下半年只會越來越差。
網民I：
讀個ERB去醫院做助理啦。
網民J：
正常大公司固定價，冇多冇少；細公司不論經濟好壞都壓價。
網民K：
搵咁少不如唔好做啦。
網民L：
經濟環境真係唔係幾好，但係都要睇你嘅學歷、經驗同工種，每份工人工都唔同。
網民M： 咁多人返大陸消費遲早變5000！
網民Ｎ：
好耐冇聽過呢個價...
多名網民針對一位擁有十年工作經驗的求職者月薪僅得12,000港元表達憂慮，普遍認為現今經濟環境嚴峻，職場競爭激烈。部分留言指出，現時低薪問題普遍，連傳統行業如建築工人的薪酬都比此高，反映整體勞動市場壓力大。有意見認為企業為控制人力成本，趁機壓低基層員工薪酬，甚至以外勞替代本地勞工，加劇本地員工的就業困難。亦有網民強調不同工種及公司規模薪酬差異甚大，部分崗位薪金尚合理。面對經濟下行及裁員潮，大家普遍認為求職者應提升技能與競爭力才能應對市場挑戰，否則低薪甚至失業風險難以避免。
Article By CTgoodjobs