在以往，不少人也會認為畢業後便該找到一份全職的工作才算稱得上加入社會工作，只當兼職的人可能會被標籤成「不上進」的代名詞。時移世易，不少年輕人在畢業以後也不願投身全職工作，形成一種新的族群「斜槓族」。
即睇「斜槓族」定義：（按圖了解）
1. 斜槓族定義：指同時擁有多重職業身份或從事多種工作的個人，也稱多重職業者或彈性就業人士。
2. 起源背景：由美國作家瑪希·艾波赫提出，著作《不能只打一份工》系統介紹斜槓職涯概念。
3. 工作態度：年輕人不滿足於單一職業，追求多重職業和身份並存的生活方式。
4. 斜槓符號：用斜槓符號（/）區分不同職業身份，如「設計師/作家/講師」。
5. 多元技能：斜槓族具備多種專業技能，能跨領域靈活運用，提升競爭力。
6. 時間自主：重視時間掌控，追求靈活工作模式，如自由職業、創業或遠程工作。
7. 挑戰與管理：面臨時間管理與工作生活平衡挑戰，需良好自律與高效規劃。
8. 社會趨勢：1970年代起職業變動頻繁，斜槓族反映現代多元收入與靈活就業需求。
9. 創新思維：多重職業背景促進跨界創新與解決問題能力。
10. 收入來源多 斜槓族常結合創業、加盟與打工，實現多元收入保障經濟安全。
即睇事主分享及網民回應：（按圖了解）
事主：宜家好多年青人情願同時返幾份part time，都唔想返一份Full time！係咩諗法呢？可唔可以分享吓？
網民A：朋友由18歲開始做餐廳Part Time，鍾意就返，唔鍾意就休息！隨時可以去長旅行！放工唔使諗工作！返工輕鬆無壓力！同屋企人住，唔使交租，三十幾歲儲到100幾萬，唔諗結婚生仔，無家庭壓力，我真心羨慕佢！
網民B：宜家做文員，一個月可能$13,000至＄15,000左右。一星期返五日……一年最多14日大假……返part-time可以自由選擇返工日子……其實有啲part-time都都幾好人工……我可以去到$1000一日或者$150時薪……full-time最多得雙糧！
網民C：宜家年青人喜歡這個模式，其實我早十年已經喜歡。尤其當你已經在工作上有點成就，滿足了你自己各樣的要求，可惜當時各人當你是異類！以為你失敗、唔知自己想點。其實我正正知道自己想點，我不受別人的影響，仍然走我的舒服路，心靈健康好重要！朋友說我是遇強越強！但我知道，可以過得開心啲，只是轉個模式賺錢，有什麼不妥？一定要做長工部門主管？責任大到24小時stand by，有能力，做什麼也可以賺到錢，而家年青人其實聰明。
網民D：都係睇下嗰個人重視啲咩！有人要自由同work life balance，有人想返工輕輕鬆鬆又一日開心冇壓力，有人追求Career Path／晉升／Job Title／金錢權力！
網民E：經濟好時就做Full Time！收入穩定，而且年資夠，有機會加人工或升職！經濟差，人工已經縮水！經常OT無補水都隨時要失業！Part Time需求又大咗，所以人工仲保持得好好！又唔使煩人事，有事唔使上身！
網民F：Full time最麻煩係老闆！10個有8個都覺得要將公司放喺第一位！我放咗工啦！咪傻啦！紅日前後補假，無醫療又無雙糧又無bonus，仲要坐office？點解唔返part time?
網民G：我問過，因為自由唔困身！呢一代好注重work life balance！好正！
網民H：因為職場太過落後，仲係用二、三十年前標準嚟請人。00後已經好醒，知道個遊戲規則點玩，點努力都係打工，回報唔成正比！
網民I：而家經濟唔好啊，眼見好多零售業都喺一個人返工！根本就無晉升機會！最多咪Senior！你話畀人聽你係manager定係supervisor？人哋問你管幾多個人，唔通你答人無人畀我管啊，得一個part time頂我放假？
不同的社會風氣也會衍生出不同的工作模式，每位求職者也絕對有自由地去選擇自己開心的工作模式！最重要的是認清自己的定位，定立好一套長遠而有效的職業前景路向！不論是全職或是兼職或是斜槓族也可有自己的開心人生！
Article By CTgoodjobs